गजल
धेरै माया दिएँ तिमीलाई
किन तर्केको होला
मेरो बोलि सुन्दा पनि
किन झर्केको होला ।
सजाउँछु भन्थे सधैं तिमीलाई
मेरो मुटू भित्र
बाटो मोडी मलाई छोडी
किन फर्केको होला ।
सोचेको थिएँ तिम्रो साथ
जीवन भर रहनेछ
यो दुखेको घाऊमा नुन
किन छर्केको होला ।
सबै भन्थे मलाई माया
अमर र अजर हुन्छ
मायाको यो फ्रेम छिट्टै
किन चर्केको होला ।
मायाको नाम लिंदा मुटु
किन थर्केको होला
मेरो जीवनमा मात्रै झरी
किन दर्केको होला ।
- डा बच्चु कैलाश कैनी
११ असोज २०७६ (२८ सेप्टेम्बर २०१९)
डार्टफोर्ड, बेलायत ।
No comments:
Post a Comment