मेरा तीन मुक्त्तकहरु

१ 

औंशीको रातमा पनि, जुनको कुरा गरेकोछु 

कसैको चुह्लो नबल्दा,  नुनको कुरा गरेकोछु 

जस्तो परिस्थिती आउँछ, त्यस्तै कुरा गर्ने हो 

अहिले  देश सम्झंदा, सुनको कुरा गरेकोछु। 

२ 

भ्रष्ट भई मति बिग्रेछ, उनको कुरा गर्न मन छैन 

अब त अति नै भयो, सुनको कुरा गर्न मन छैन 

सबैतिर बिकृती र निराशा कै कुरा भई रहेकोछ  

त्यसैले मलाई, मीठो धुनको कुरा गर्न मन छैन। 

३ 

पोहोर मात्रै हो, हाम्रो कुरा सुनेर गएका थिए 

देश छिट्टै युरोप हुने, हिसाब गुनेर गरेका थिए 

त्यसपछि कता हराए कसैलाई थाहा छैन रे!

कठैबरा! देश बनाउने सपना बुनेर गएका थिए।