 |
| - डा बच्चु कैलाश कैनी |
जिन्दगी हो यहाँ जे हुन पनि सक्छ
मानिसले चाहे जुन छुन पनि सक्छ ।
मानिसले चाहे जुन छुन पनि सक्छ ।
सत्य र असत्यको फरक छैन यहाँ
पैसा हुनेले पाप धुन पनि सक्छ ।
आफ्नै मान्छेको भर छैन कसैलाई
आज हाँस्ने भोलि रुन पनि सक्छ ।
अरुको देखासिकी गरेर मात्रै हुँदैन
भाग्य हुनेले गोरु दुहुन पनि सक्छ ।
आशाको किरण बाँकी हुँदाहुँदै पनि
सबैको लागि भोलि नहुन पनि सक्छ ।
No comments:
Post a Comment