गजल
उकालो चढे पछि झर्ने चर्चा नगर
संघर्ष गर्नु पर्दैमा मर्ने चर्चा नगर।
संघर्ष गर्नु पर्दैमा मर्ने चर्चा नगर।
सुन्दर फूल आफ्नो खोल्तिमा राखेर
बिज्ने काँडा बाटोमा छर्ने चर्चा नगर।
दु:ख र सुख दुवै स्वीकार गर्नु पर्छ
रात तिम्रै हो निन्द्रा हर्ने चर्चा नगर।
संधै आफूले चिताएको कहाँ पुग्छ
बेकार मनमा चिन्ता भर्ने चर्चा नगर।
तिमी जस्तै अर्को कोही नहुँदैमा
अरुसंग मनमुटाव गर्ने चर्चा नगर।
-डा. बच्चु कैलाश कैनी
१३ जेठ २०७८, विहीबार (२७ मे २०२१)
ललितपुर, नेपाल।
-1729671449.jpg)
No comments:
Post a Comment