आफैं ढल्छु बरु विस्वास ढालेर म बस्दिन
मनमा अशान्तिको दियो बालेर म बस्दिन।
मनमा अशान्तिको दियो बालेर म बस्दिन।
नैतिकता, आत्मसम्मान र इमान छ मेरो
कसै प्रति पनि बैरभाव पालेर म बस्दिन।
मेहेनत गरे ढिलो चाँडो पुगिन्छ गन्तब्य
अरुको पद र कुर्ची फालेर म बस्दिन।
बिगबिगी छ यहाँ लोभी र पापीहरुको
बेईमानहरुको इज्जत टालेर म बस्दिन।
बरु जान्छु उतै म आफ्नै बाटो लाग्छु
यहाँ दबावमा कुप्रथा थालेर म बस्दिन।
सोमबार, २७ भाद्र २०७९ (१२ सेप्टेम्बर २०२२)
ललितपुर, नेपाल।
No comments:
Post a Comment