कविता: तिम्रो रुपले म अचेत हुँदा

तिम्रो सौन्दर्यले 
मलाई भुतुक्कै पार्दा
मेरो मनमा राज गर्दा
म अचेत भएछु 
पुरै डुबी सकेको रहेछु 
बल्ल तल्ल पौडेर 
पाखामा आउँदा देखें  
तिमी पनि पौडेर उत्रेको रहेछौ 
त्यसपछि 
तिम्रो रुप र रंग फेरिएछ 
तिम्रो असली रुप देखिएछ 
त्यो असली रुप देखेर 
म अचेत भएछु 
र, अहिलेसम्म पनि अचेत छु 
थाहा छैन 
म अब उठ्न सक्छु वा सक्दिन। 

-डा. बच्चु कैलाश कैनी 

शनिवार, २७ साउन २०८०  (१२ अगस्त २०२३)
डार्टफोर्ड, बेलायत।