गजल: म दुर भएको छु।

आफ्नै देशदेखि आजकल म दुर भएकोछु 

समयसँगै बिदेशमा बस्दा म बेसुर भएकोछु। 

आफ्नै मान्छेको पनि कत्ति याद छैन मलाई 

कामको बोझले गर्दा म एकसुर भएकोछु। 

भनिन्छ समय र नियतीले बदलिन्छ मान्छे 

आजकल आफ्नै बेदनाले म क्रुर भएकोछु। 

लाग्छ मेसिन हुँ म एकनासले सधैं चलिरहने 

पैसाको पछि लाग्ने यहाँ म मजदुर भएकोछु 

यस्तै रहेछ भावीले लेखेको मेरो भाग्य हजूर 

परदेशी यो दुनियाँमा म महसुर भएको छु। 

डा बच्चु कैलाश कैनी 

शनिबार, पुस १४, २०८०

डार्टफोर्ड, बेलायत।