गजल

गजल : परिवार फुटाउँछौ हामी

~डा बच्चु कैलाश कैनी~

समाज भाँडेर परिवार फुटाउँछौ हामी
उस्तै परे आफ्नै लाई कुटाउँछौ हामी

पैसा छ सबै भन्दा ठूलो यसैको लागि
सामाजिक बन्धन पनि छुटाउँछौ हामी

म मात्रै जान्ने बुझ्ने अरु बेकार भन्दै
फगत ठूला गफ मात्रै चुटाउँछौ हामी

आफ्नै आत्मासम्मान पनि नभएपछि
चेलीबेटीको इज्जत लुटाउँछौ हामी

स्वार्थी र धोकावाजहरुको भिडमा
गहिरो नाता सम्बन्ध टुटाउँछौ हामी ।

२१ चैत २०७६, आइतबार (३ अप्रिल २०२०)
डार्टफोर्ड, बेलायत ।