'बोलेर के हुन्छ ?'
उसले प्रश्न गर्यो
म मौन बसें
उ झन् आक्रोशित बन्यो
र, भन्यो 'तिमी किन चुप ?'
थप्यो, 'मेरो प्रश्नको जवाफ नदिने?'
उसैको चाहना बमोजिम
अब थप नबोल्ने गरी
म मौन बसेर
उसको जवाफ दिदैं गर्दा
उ भने मेरो उत्तर खोजि रह्यो।
म मौन बसें
उ झन् आक्रोशित बन्यो
र, भन्यो 'तिमी किन चुप ?'
थप्यो, 'मेरो प्रश्नको जवाफ नदिने?'
उसैको चाहना बमोजिम
अब थप नबोल्ने गरी
म मौन बसेर
उसको जवाफ दिदैं गर्दा
उ भने मेरो उत्तर खोजि रह्यो।
मैले जे गरें
शायद उसले त्यो बुझेन
उसले जे भन्यो
शायद मैले त्यो बुझिन
अन्तर हुन सक्छ बुझ्नु र बुझाउनुमा
खाडल हुन सक्छ सुन्नु र सुनाउनुमा।
समस्या यहीं छ
आजको समाजको
हाम्रो घर परिवारको
म जे सोच्छु वा चाहन्छु
वा, म जे भन्छु वा सुनाउँछु
अरु त्यहि बुझुन वा गरुन
भन्ने चाहना समेत राख्छु ।
मलाई थाहा छ
तिमी 'तिमी' हौ
म 'म' नै हुँ
त्यसैले, मेरो र तिम्रो बिचमा अन्तर छ
यही अन्तर भएकाले नै
म भित्र तिमीलाई देख्न चाहन्छु
तिमी भित्र मलाई देख्न चाहन्छौ
त्यसैले हाम्रो बिचको खाडल
फराकिलो हुँदैछ
तिम्रो र मेरो अस्तित्वमा
प्रश्न चिन्ह आउँदैछ ।
शुक्रबार, २७ फागुन २०७८ (११ मार्च २०२२)
ललितपुर, नेपाल।
No comments:
Post a Comment