 |
| डा. बच्चु कैलाश कैनी |
यहाँ यस्तै रहेछ
जे छैन त्यो चाह छ
जे छ त्यो खै कहाँ छ?
मनले चिताएको
पुगेर पनि पुगेको छैन !
महत्वकांक्षाको भाँडो
अझै भरिएको छैन।
जे छैन त्यो चाह छ
जे छ त्यो खै कहाँ छ?
मनले चिताएको
पुगेर पनि पुगेको छैन !
महत्वकांक्षाको भाँडो
अझै भरिएको छैन।
यस्तै रहेछ !
थाहा छैन कसैलाई
तिव्र प्रतिस्पर्धा
कहाँ पुगेर टुंगिने हो ?
अनिश्चित यो जीवनको यात्रा
कसरी अन्त्य हुने हो ?
आज जे छ
भोलि के हुने हो ?
यस्तै रहेछ !
यहाँ अनन्त ठान्छन
मानिस आफैंलाई
कठिन बनाउँछन्
मानिस आफ्नै यात्रालाई
निकै घुमाउँछन्
कहिल्यै नथाक्ने
आफ्नै मन र मस्तिष्कलाई
बोझ बनाउँछन्
आफ्नै जिन्दगीलाई।
यस्तै रहेछ मानिस
जानेर पनि नजान्ने
आफ्नो बोझ सकी नसकी तान्ने
जीवनको सुर र ताल
आफ्नै लयमा गाउने
जीवनको अन्त्य पछि मात्रै
सबै बोझ बिसाउने।
डा. बच्चु कैलाश कैनी
१ माघ २०७८, शनिबार (१५ जनवरी, २०२२)
ललितपुर, नेपाल।
No comments:
Post a Comment