किन गर्ने ढाँटछल यो जलेर जाने शरीर
लोभ पनि गर्ने हैन यो ढलेर जाने शरीर।
आजका युवा युवती भोलि बुढा हुन्छन्
फुर्ती गर्नु पर्दैन यो गलेर जाने शरीर ।
जिन्दगी हो नियमित प्रक्रियामा चल्दछ
जान्नुपर्छ मेसिन जस्तै चलेर जाने शरीर।
दु:ख पीडा जिन्दगीका अभिन्न अंग हुन्
सबै हुरी बतास पनि छलेर जाने शरीर।
भावना हामी सबैको उस्तै उस्तै हुन्छन्
सबै रंगको संयोजन मलेर जाने शरीर।
ललितपुर, नेपाल।
No comments:
Post a Comment